張達明今日（15/8）現身銅鑼灣出席電影《100秒》發佈會。張達明受訪時表示：「呢套電影嘅角色我係從未演過，我係演一個高科技科學家，同埋會有啲特別嘅能 ...
張達明今日（15/8）現身銅鑼灣出席電影《100秒》發佈會。張達明受訪時表示：「呢套電影嘅角色我係從未演過，我係演一個高科技科學家，同埋會有啲特別嘅能力。（因為你嘅健康問題，開工時間會否特別照顧你？）其實拍戲嘅流程都未有，變咗暫時我都未同製片同導演傾過，唯有到時開機拍嘅時候再講，始終好多嘢都未齊，連劇本都未有，我都希望香港電影能夠順利發展，大家努力都係好嘅，諗到啲嘢，大家就諗點樣推行，點樣快啲開工都係好事嚟。（你現在狀態會否講對白都會有困難？）係有困難。（演繹上有咩解釋方法？）如果個角色啱我把聲嘅咪去做，如果搵我但我又做唔到佢哋嘅要求，我都冇辦法。」
