周永恆就說：「你要減30磅，我要加5磅，以往我經常有唔合法嘅情緒發洩，今次多謝鍾生畀呢個機會我合法去發洩，霍哥小心啲，我好鍾意打交，流血小心啲。」霍哥即諷他：「我有睇新聞啊，你唔係打男人㗎嘛，你打女人吖嘛。」周永恆其後表示新聞吹水。
活動上其中一個焦點是Face-off環節，周永恆初時不斷以伸脷等引霍哥發笑，突然兩人開打起來，周永恆先動手連摑霍哥幾巴，其後霍哥也還手，問道：「未戴拳套你都咁X樣？」鍾培生試圖調停和分隔二人，要他們上擂台再打，不過兩人再打，更打到雙雙倒地，將枱推跌，記者的咪牌都散落一地。
此外，鍾培生解釋自己搞拳賽的因由，他說：「我鍾意以前嘅香港，而家嘅香港唔係唔好，但係有啲嘢唔同咗，香港人好大壓力、好躁，出街又見到好多街頭暴力，有時繼而動武，上網每日見到好多網絡暴力、Facebook留言，所有嘢都見到好多負能量，我自己躁底就會去打拳，所以好想將拳擊運動推廣俾香港人，畀大家合法、合理嘅渠道宣洩情緒。」他指今次的拳賽90秒一個回合，並即將舉辦海選，招募素人對打，任何人都可參加，會選出8-12組最高實力和觀賞性的拳手，拳賽預計年尾與行。
點擊對打連環圖：
本文作轉載及備份之用 來源 source: http://www.hk01.com
|
鍾意就快D Share啦！
|
|
|