落選港姐郭珮文、黃泳嘉、陳霈錤、陳曉彤、梁晶晶、鄧凱文晚上到尖沙咀文化中心出席活動，雖然穿上密實裙子，但仍難掩郭珮文激凸身材，難怪被譽為新一代「咪神」媲美高海寧。
郭珮文、黃泳嘉與陳霈錤接受訪問皆指正等待無綫工作洽商，故仍未與公司商討合約問題。郭珮文直言對入行有興趣，但還未知道無綫的工作安排，坦言有點心急，她說：「暫時乜都未傾，佛系，都有少少心急，因為都已經結束咗一個月，但係都未開始傾。（有冇其他公司接洽？）未有。」
講到她大受網民歡迎，她說：「都好開心，仲有人關注。（網民將你同高海寧比較﹖唔知喎，咁開心，同女神比。（希望好高海寧咁有好發展好？）如果有咁嘅機會，當然希望。」講到她的舅母張金瀟是內地超模，可有給予貼士﹖她說：「都冇，平時喺屋企嘅氛圍都好似屋企人咁，唔會話好似嚟教我咁。」
陳霈錤則透露大家有與監製見面，現時工作主要是出席活動，問到本身是教師的她可有興趣入行？她說：「睇合約係點再考慮，但係都有興趣入行。」黃泳嘉則對拍劇有興趣，但首先要是先學習好廣東話。
本文作轉載及備份之用 來源 source: http://hk.on.cc
|
鍾意就快D Share啦！
|
|
|