藝人張致恒（Steven）與老婆雯雯離婚離不成，早前更迎來了第4胎，4年抱4，認真厲害。而Steven日前宣布結紮，表示：「為咗未來一家六口嘅生活，經過深思熟慮嘅思考，我決定進行結紮手術，為頭家負上最大責任。我已經聯絡咗一間日間手術中心安排做手術，詳細情形我會等手術之後同大家分享。謝謝大家。」
Steven昨晚在社交網開Live，分享了今次結紮的詳情，他透露自己在幾日前已經做了結紮手術，又表示在誕下2仔時，已經想過結紮，可是他害怕手術帶來的傷口所以一直不敢去做，直到生到第4個仔時，才終於決定結紮，他說：「第一，係老婆身體，因為佢生第四個好傷，同一個傷口，四年割四刀，所以好記得之前有人問點解唔叫老婆去做結紮，因為我覺得四個就夠，同埋真係唔係特登去追，真係唔小心，冇諗過自己能力咁強，哈哈。作為四個小朋友嘅爸爸，我覺得唔好再畀呢件事持續落去。」他又提到剖腹生B的極根是4個，並透露老婆雯雯心臟有問題，稱雯雯生第4個小朋友是用生命去換回來的，強調不會想再追個女，如果將來想要小朋友可以領養。
他表示最初想在家計會做手術，不過因為要排期太長時間，至少要排至少半年：「我驚半年唔小心令到老婆又有咗。」他是自費在醫療中心做手術的，沒有任何贊助，手術過程只需15分鐘：「做完休息一個鐘，等麻醉藥過咗，順利去第一次小便，咁就可以走喇。」對於有網民留言鬧爆：「死都唔戴袋（安全套）。」他反駁表示：「邊個話你知我冇戴袋？你瞓喺我床下底呀？」之後又說用安全套不等於完全安全。他還鼓勵年輕人做結紮手術：「一來可能你唔想要小朋友，二來你生夠，又想維持（性）生活，唔想咁麻煩，結紮其實係好嘅。」他又表示結紮完，要「排咗啲貨先」：「因為頭20次都會殘留咗啲精子喺度，所以頭三個月都要做避孕措施。」對於有網民留言叫他「張閹人」，他就直訴對方：「無知！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|