出爐港姐季軍有「翻版范冰冰」之稱嘅王敏慈（Lovelle），原來已經返咗去北京中央戲劇學院，繼續進修。佢喺社交網上載咗條喺宿舍拍嘅片，佢擺出多個甫士，大送心心，冧暈粉絲！而佢亦曝光咗宿舍環境，採用上下舖床設計，同內地其他院校宿舍大同小異。
佢喺港姐決賽後，受訪時表示希望可以有演會機會，想同佘詩曼、陳豪合作拍劇，而佢亦曾表示會返北京繼續升學，進修演技。其實過往都有唔少港姐喺當選後面臨升學同與入娛圈發展之間嘅抉擇問題，好似2016港姐亞軍暨最上鏡小姐劉穎鏇（Tiffany），當時就決定留港發展先擺低學業，過幾年後先繼續完成學業。睇嚟王敏慈依家係打算選擇升學，令唔少網民都感到好可惜呀，仲慨嘆話：「說好的港姐1年任期呢？」據知，佢過幾日返嚟香港開工，由於佢依家仲未畢業，所以未有工作嗰陣就會返北京讀書，中港兩邊走，真係好忙呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|