雖然現時被公司投閒置散，但阿儀好似一點都不愁，她日前就跟范莎莎等幾個女仔去中環學跳拉丁舞，並將片段分享到社交平台，片中阿儀身穿普通上衣配黑色透視裙，雖然看上去都好「女仔」，但相比身旁一班全副拉丁舞武裝上陣的女仔，顯得騎呢。
眾人隨住音樂扭動柔軟身軀，相反阿儀不止慢幾拍，而且四肢十分生硬，手腳好似不受控一樣，相映成趣。縱使如此，阿儀仍非常落力去跳，而網民對阿儀今次拉丁初體驗的舞姿亦有讚有彈，紛紛留言：「呀儀你係唔係唔記得咗除衫？」、「點解你唔使著吊帶？」、「阿儀係咪舉手答問題」及「失業啦你都仲跳舞咁開心」等，也有網民鼓勵阿儀：「第一次跳舞算係咁，繼續努力」、「搖得好有喜感。」
有網民好奇為何不見好友黃榕，問是否絕交了？阿儀親自回應：「佢今日唔得閒呀！」又力撐黃榕是好人。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
