今日係9月20日農曆八月初六，而且仲係「愛牙日」，如果牙齒有唔舒服就記得要去睇牙醫，唔好自己估估吓是日最旺生肖係龍，你哋事業運勁好不妨用行動證明自己實力。連詩雅（Shiga）就係屬龍，雖然佢近年主力做主持同拍戲，但相信唔少人都知佢係歌手出身，而Shiga自己都好鍾意唱歌，新婚仲拋低老公陳家樂搞巡迴演唱會，事業心相當重！
Shiga開得巡唱實力當然有，不過大家更加關心你「造人」實力！早排Shiga同媽媽慶祝生日，留言話今年多個人陪你慶祝，即刻引起一班網民揣測唔通已經有喜？兩位工作忙之餘都記得兌現當初嘅承諾，話會盡力生夠一隊足球隊㗎喎！
今日幸運星係水瓶座，你哋運勢勝人一籌應該專注事業得着唔會少。張敬軒（軒公）就係水瓶座，叫得佢做「歌王」你就知佢有幾醉心歌唱事業，早排仲講明唔會離開呢一行，開埋藝人培訓學院話想將香港藝人帶去韓國市場，為下一代鋪路。而軒公自己都錄咗《只是太愛你》韓文版準備推出喎，明顯有心進軍當地市場！講明你今日會有得着，無論係你定學院都肯定發展得好好。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
