近日，樂宜喺社交網上傳一段《女子監獄》嘅影片，並表示自己喺電影中被袁嘉敏和陳嘉莉狂摑30多巴及拳打腳踢嘅戲份被刪，大表可惜，佢話自己知道內地版刪剪了這幕，但就估唔到香港版都有刪剪。回憶當時情況，佢就話：「初時武指同袁嘉敏和陳嘉莉綵排先，原本係用拳頭打臉，後來改為掌摑，但假打出來效果唔夠真，就叫我不如忍一吓，真打。」袁嘉敏和陳嘉莉初初都不敢太用力，結果沒有達到效果，NG了很多次。
當時佢嘅臉和背都有遭捱打，其他在場遠觀嘅演員事後亦表示離遠都聽到打鬥聲:「佢哋話好遠都聽到拍拍聲，我的假髮都被打到飛脫，打完塊面又紅又瘀，背脊畀人打咗好多拳。」被問到有冇喊，佢表示：「在場工作人員都驚我會喊，但我冇。不過拍完要睇骨醫，傷咗肌肉和筋。依家諗番起，我係8月拍完，9月去驗眼時，發現有一邊視網膜脫落了一半，唔知關唔關事。」問到事後袁嘉敏和陳嘉莉有否向佢道歉太重手，佢只提及陳嘉莉有向她講唔好意思。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
