天王郭富城（城城）2017年同細22歲老婆方媛結婚至今，育2個得意囡囡，一家四口生活幸福美滿。最近，城城新寵「舞林密碼」接連為佢報捷，老婆方媛亦化身「跟得夫人」，場場都同老公一齊出席力撐愛駒，而隨着日前（20日）「舞林密碼」再次勇奪冠軍，唔止城城贏獎金心情好，連方媛都同樣心情靚到爆，唔止喺社交網晒出一輯唯美公主風嘅性感靚相，尋日（21日）仲剪埋劉海，化身日系美少女呀！
早前方媛先喺社交網晒出一輯着白色公主裙、頭戴鑽石后冠兼珍珠頸鏈，盡騷香肩美背嘅性感相，日前又再喺社交網分享自己新髮型嘅靚相，只見原本利落齊整嘅長髮，畀佢稍微修剪之餘，仲剪埋「公主切」劉海，將方媛原本就精緻嘅五官顯得更玲瓏小巧外，整體望落更係從大學生變成中學生，簡直好似坐上時光機一樣，重返18歲！而方媛新造型，亦引嚟唔少網友激讚：「顯得臉小，又顯得格外有精神！」、「又靚又拉頭馬！」、「人美怎麼樣都好看！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|