喺無綫處境劇《愛．回家之開心速遞》中憑「風少」一角成功入屋嘅陳浚霆，戲內身為富豪大龍生仔仔嘅佢，生活當然衣食無憂，不過戲外嘅佢其實都係富二代，唔怪得戲內表現咁亮眼，簡直係本色演出呀！
而隨着超強颱風蘇拉襲港，同屋企人住山頂豪宅嘅陳浚霆，亦喺社交網晒出一系列獨特嘅防風措施。只見住山頂豪宅嘅陳浚霆，屋企嘅工人姐姐似乎就對超強颱風蘇拉冇乜感覺，竟然將全屋窗簾拉埋晒，以為「眼不見為淨」就當冇事發生，令陳浚霆忍唔住喺社交網笑道：「為颱風作出最強準備」、「我家工人決定把所有窗簾拉好」、「冇嘢安全得過，乜嘢都睇唔到！#NoEyeSee。」認真搞笑，不過面對超強颱風蘇拉嘅襲來，大家都係記住做好防風措施，避免造成不必要損失。
另外，向來同繼母顧紀筠感情深厚嘅陳浚霆，仲晒出同顧紀筠慶祝61歲生日嘅合照，並寫道：「Happy Birthday聽說她出生於香港最強颱風#溫黛的那天！今天是她生日，而香港也掛着風球，祝你生日快樂，心想事成，天天開心健康！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|