流失的真味｜林正峰返家鄉潮州拍攝做足功課：唔想做膚淺嘅主持人 #林正峰

林正峰今日（15/9）現身馬鞍山出席商場《甜蜜煮意迎中秋》活動。林正峰在接受《香港01》訪問時透露近日為無綫飲食節目《流失的真味》赴家鄉潮州進行拍攝工 ...

林正峰今日（15/9）現身馬鞍山出席商場《甜蜜煮意迎中秋》活動。林正峰在接受《香港01》訪問時透露近日為無綫飲食節目《流失的真味》赴家鄉潮州進行拍攝工作，更邀請到家燕姐（薛家燕）同陳煒做節目嘉賓，尋找當地隱世美食：「本身我係潮州人，咁所以我都識聽同識講潮州話，但你問我之前有冇返過嚟潮州探親，我又真係未嚟過，因為我屋企人好早就嚟咗香港，而內地啲親戚都由潮州遷移到其他成市居住，變咗我係未到過潮州呢個地方。」

為了拍攝新節目，林正峰事前做了很多資料蒐集，他表示：「其實我哋做呢一行，離不開會接觸到飲食，所以想觀眾認識更多，因為我唔想做一個好膚淺嘅飲食節目主持人，淨係識講好味，好食，同埋好掂，同埋講唔好食。咁所以我就好想了解嗰道食物嘅質感，變咗我係要知道呢道餸係點煮，同埋要知道點解要落嗰啲調味料，我要知道個目的，咁樣先可以令到觀眾更加深入了解到，知道嗰味菜式背後嘅精髓係乜。」

本文作轉載及備份之用 來源 source: http://www.hk01.com

鍾意就快D Share啦！

下一篇 》