落選港姐陳瑞菱近月加入無綫《東張西望》擔任外景主持，人氣急升坐穩「東張女神」之位，尋日（6日）播出嘅《東張西望》預告中，就影住做外景主持嘅陳瑞菱，竟忽然被商戶業主大鬧係「雞」，加上佢一身吊帶背心打扮出鏡，即引起網上熱議。
今次《東》講到葵涌一座工廈令因party room而搞到水喉經常爆裂，喺陳瑞菱追問之下，業主於訪問中反問陳瑞菱：「你都傻傻哋嘅，你問我？你乜嘢新絲蘿蔔皮啊？」隨後更語出驚人大鬧：「你係我養嘅雞咩？我做咩要答你？」難怪未播出已引起網友嘅關注。
對於被人出言大罵，陳瑞蔓接受東網訪問時，被問到當時有否感驚慌及可有擔心人生安全？她說：「當時比較緊張，我有心跳加快同有啲出汗，但知道我哋Crew喺度令我放心因，為知道佢哋會保護我，至於佢一直鬧我，我有盡量抱住同理心嘅心態去睇件事。佢應該自己心入面都唔舒服，所以只搵到鬧嘅方法去面對，佢可能唔想答啲問題。當一個人咁激動時其實心都唔好過。」至於被對方以「雞」來形容是否很侮辱？陳瑞菱表示：「《東張》訪問其實之前都畀其他人鬧過，已經慢慢習慣有啲受訪者會情緒波動。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
