活動舉行期間，游游在台上執藥時表現十分騰雞可愛，她笑言因為自己是第一次執藥，在劇集中都是把脈、針灸為主，所以比較騰雞。當記者提到她連針灸都很騰雞，她立即為自己平反：「我經常睇中醫，針開灸就唔係好驚，但係要自己拎住支針真係好大壓力，我好驚拮到人或者拮到人哋流血，所以比較驚恐。（針人哋定自己驚啲？）人哋，你針自己嘅話，唔夠狠心拮唔入，拮人哋嘅話始終唔係拮緊自己嚿肉，所以可以狠心啲。」
近日游游可以說是「考牌師」，剛考完車牌又想考船牌，她說考牌成功很有滿足感，所以一有時間就去考，未來想學多種語言，但工作時間未必配合到，她曾在大學讀過基本韓文，有機會想再進修。被問是否自小已經喜歡學不同技能，游游指反而是小時候冇學，現時經濟上負擔到所以才特別想增值自己，並謂：「啱啱完成咗學業，而家想學返啲生活技能上嘅嘢。（第時唔做幕前都可以有出路？）當然啦，多一技之長實係好嘅。」
請按下圖睇更多游嘉欣靚相：
本文作轉載及備份之用 來源 source: http://www.hk01.com
|
鍾意就快D Share啦！
|
|
|