談善言於劇中飾演的Jan包容度奇高，認為只要有共識就可以相愛，但偏偏她對柯煒林專撩人妻行為十分睇唔過眼。「我哋會成日鬧交，將所有怒氣都發洩喺床事上，做完之後完全唔傾偈。因為我哋都會覺得對方好有挑戰性，繼而挑起征服嘅慾望。」對於劇中嘅開放式關係，柯煒林雖然認同，但深明自己本身佔有欲強，所以無法實行。
談善言難忍另一半痴身
現實中，柯煒林認為一段關係當中，總會有一方願意作出讓步，甚至只要夠愛，事無大小都可讓。「但有時自己唔知癡咩線就會爆，呢個都係自己壞習慣。愛情上唔想做唔好嘅人，但有時你會喺別人口中成為壞人，呢啲完全係愛一個上一課。愛情真係好難，所以預咗自己會一個人過一段好長時間，哈哈」。談善言認為只要不觸及自己的底線就可。「空間係底線之一，唔好咁痴身，一次兩次唔得就爆。」
一拍床戲就想收工
講到劇中的床戲，柯煒林透露本身劇本描述風更為激烈，但最終呈現出來的畫面尚算可以，問到會否緊張，他秒答：「我對佢（談善言）無嘢，想快啲完，綵排嗰陣一心諗住快啲啦。」能夠如此不留情面，是因為柯煒林與談善言早在《點五步》已認識，雖然一直未有再合作，但感情要好。「不過對佢係有壓力，因為佢係對自己有要求，所以對熟啲嘅人要求特別高。今次係我第一次拍咁長嘅劇，喺現場捉我背對白時，就會令我知道自己經驗唔夠。因為平時拍電影一日10至12頁已經係多，今次一日20頁係有少少嚇怕咗。」
拍畢即拒見談善言
柯煒林坦白今次的挑戰並不輕鬆但值得，笑言完成拍攝後，逃避與談善言見，原因對方有有「賽後檢討」的習慣。談善言笑言明顯感受到柯煒林瘋狂逃避自己，十分好笑，直到拍攝完成兩個多月後，感受到柯煒林終於鬆口，即時抓緊機會。「因為自己都未試過做呢個角色，我都會驚，所以每次幫佢對之前我自己都對緊。」而柯煒林亦慶幸有參與檢討，否則如今只會更不想面對自己。
Outfit: Weekend Max Mara （談善言）、SANDRO（柯煒林）
Hair: Larry Ho @ Aveda IL COLPO（談善言）、Oscar Ngan（柯煒林）
Make up: German Cheung、Deep Choi（柯煒林）
本文作轉載及備份之用 來源 source: http://www.hk01.com
|
鍾意就快D Share啦！
|
|
|