林作接受《香港01》訪問表示，今次召開記者會是想宣布下一步計劃，他說：「會交代下一步進展畀大家（知），我之後會點樣呀又剩嗰啲，會同大家交代吓㗎（已經部署好下一步？）部咩署呀，總之我有我想做嘅嘢希望得到大家嘅支持。」問到昨日保釋後頹爆現身中環，林作否認道：「點會呀！我出咗街整電話咋，我冇咗部電話呀嘛！我搞電話，搞掂咗啦，所以而家出返嚟囉，今日晏晝先搞掂，我仲要唔識Set部新機，搞掂咪出返嚟囉，我冇頹冇剩嘅！搞掂咪出返嚟囉，大家好想知呀嘛，我咪畀大家知囉！」他又指昨日沒有人問他問題，只有記者影相，才沒有多說一句話便上車離去。
林作一貫輕鬆語氣指：「我從來冇唔想面對大家，我一直都好光明磊落，知道大家好有興趣，最好嘅做法係畀大家有個機會見吓我咁解啫！鍾唔鍾意都好啦，我做咗公眾人物，應該去面對嘅！」林作又自信道：「我係想出到嚟俾人感受到不一樣嘅林作，我而家唔係想搞笑囉，我可以做返啲有意義嘅嘢俾大家睇。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|