周永恒（Roy）、鍾培生、霍俊邦（霍哥）、網絡紅人劉馬車和龍心，今日（2日）到大埔出席《培生擂台無敵盃2023》海選記者會，早前收取加密貨幣交易所JPEX 1000萬拳賽酬勞的鍾培生拒絕受訪。
上次Roy和霍哥在記者會上大打出手，但今日活動上則罕有地平靜。早前涉襲警及拒捕兩罪的Roy，上月被判即時入獄兩星期，被問到坐監可有影響備戰？他表示：「冇，因為只係入去6日5夜，瘦咗2kg，同時亦做咗好多內在訓練，好似打座、思考人生、拉筋等，之前有好多嘢發生，家庭、感情事呢啲，依家解決晒，可以專心比賽。」
至於太太陳薇有否有去探監？他說：「我同牧師講咗叫佢唔好嚟，呢啲地方唔需要見識。（有冇畀人蝦？）冇畀人恰亦都冇恰人，我一入去就去咗病房，因為要攞情緒病藥，之後就去咗單人倉。」Roy透露在監獄中遇上男粉絲，對方更在他面前高唱他的歌《沒有為你哭》，他笑言：「搞到我面都紅晒，好尷尬，希望之後可以同牧師去做探訪同分享。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
