台灣舞王羅志祥（小豬），自從被蕭愛周揚青爆出荒淫史後，努力洗底搏翻身，如今修身養性做孝子嘅佢，亦專注事業發展，甚至連佢男扮女裝嘅「朱碧石」，都喺演藝圈闖出一片天，認真犀利。而成功復出並密密開騷吸金嘅羅志祥，喺9月29日中秋佳節當日，更獲邀出席北京梅地亞中心舉辦嘅中秋文藝晚會演出，現場吸引咗大批歌迷到場支持外，同時亦象徵羅志祥正式回歸大陸演藝圈，並將重啟內地演藝事業。
另外，出名係「時間管理大師」嘅小豬，工作排滿檔嘅佢唔止剩係出席北京嘅中秋晚宴，隨即又趕去澳洲開騷繼續吸金之餘，仲帶埋媽咪一齊寓工作於娛樂食燒肉，雖然小豬有着「亞洲舞王」嘅稱號，不過人在異鄉嘅佢則相當貼地，同媽咪一齊食勻大街小巷，仲搭巴士體驗當地生活，認真廿四孝呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
