藝人鄭世豪母親鄭戴秀蘭早前因心臟病至器官衰竭離世，終年75歲。今日（4日）假紅磡寰宇殯儀館以道教儀式設靈，明早9時30大殮，遺體將送往火葬場火化。而世豪的圈中好友包括陳少邦、阮德鏘、羅樂林、歐瑞偉及姚瑩瑩等先後現身致祭，而陳浚霆、李偉健、黃嘉樂、藝進同學會及無綫電視等則送上花圈表達心意。
世豪步出靈堂受訪時雖表示心情已平復，但談到母親離世前病情難掩喪傷哽咽。他聲沙沙表示：「由今年年初媽咪就入咗醫院8次，最尾一次入院兩個月，佢份人好好，畀晒心理準備我哋成家。（佢有遺願？）佢仲講到嘢時，交低咗事件薄畀我處理，我會記得晒佢講嘅嘢，幫佢完成埋。（點解你喺社交平台話自己衰仔？）因為早啲行日夜顛倒，好多時候都陪唔到屋企人，甚至阿媽生日想搞活動，我都未必去到，為咗工作冇咗家庭樂，冇陪佢多啲，可以有快樂時光，真係有啲遺憾。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|