藝人吳若希（Jinny）和吳業坤今日（15日）到觀塘宣傳新劇《香港人在北京》，兩人雖然同屬星夢娛樂，但Jinny竟反問對方：「你依家係邊間唱片公司？」坤坤即說：「同你同一間，得罪我，你死喇！」
對於被指冷待「死敵」菊梓喬離巢及不屑視對方為對手，Jinny被問到知否對方不續約？她表示：「我點會知道佢嘅嘢呀？我連坤坤邊間都唔知。（你冷言相對菊梓喬？）咁我慰問吓佢囉，透過大氣電波，點解我哋成日要講佢？（係咪冇交流？）不嬲都冇交流，我同坤坤都冇交流。（佢唔續約少咗個競爭對手？）從來都冇覺得係對手，坤坤先係對手，原來我哋係同公司，你唔好同我爭資源呀，哈哈！」
另外，有報道指坤坤的太太浜口愛子貌似山口百惠，不過坤坤卻覺得太太似綾瀨遙，問他是否太太似綾瀨遙才展開追求？他說：「唔關事，係認識咗之後先覺得似。（認識後覺得她身材豐滿似綾瀨遙？）我覺得佢心地好同善良。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|