歌手吳業坤人生事無大小都愛放上網同大家分享，佢繼「食好西」等金句後，今次「再獻新猷」，佢同日本藝人太太濱口愛子家住屯門愛巢，成日都要出入大西北，今次佢夜晚搭巴士去到屯門公路時，佢突然絞肚痛，仲急急於社交媒體發文自爆剛由尖沙咀上巴士就開始絞，全程向網友直擊慘況及集氣，但係大家都幫唔到佢順利「解決」。
佢持續報告身體狀況及行蹤，仲貼相表示正前往屯門公路轉車站，並瘋狂留言問：「剛剛捱過咗三次陣痛」、「成功過深井不過條路好登」、「屯公轉車站廁所乾唔乾淨？」、「一定唔可以聽慢歌，個人會放鬆」等，真係笑爆嘴。
不過最令人驚嚇嘅係，佢最後竟然貼出公廁內冇晒廁紙，僅剩下空蕩蕩嘅廁紙筒，之後就冇晒聲氣，到佢貼出放狗照片並寫：「Safe」報平安後，佢後續點「解決」就隻字不提，搞到網友都Feel到佢嘅經歷應該係幾咁耐人尋「味」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
