台灣女星徐熙媛（大S）2021年同汪小菲離婚後，2022年閃嫁韓國藝人老公具俊曄，惟汪小菲一直咬實大S同具俊曄唔放，日前直播時更直指具俊曄「不在台北住，他跑了」，令網民嘩然。不過當時具俊曄隔幾日就發文，透露將於多位藝術家喺台北合作辦畫展，並展出以老婆大S為主題嘅馬賽克畫，大小S姊妹都分別畀Like力撐。
今日（19日）係畫展VIP預展，具俊曄本尊親自現身現場，即時以實際行動證明一切子虛烏有，佢以一身黑Tee配牛仔褲出現展覽現場，輕鬆同朋友吹水，令汪小菲早前指控瞬間「打臉」。
具俊曄受訪時被問到先前嘅爭議，但不願提到汪小菲個名，僅說：「大家都很清楚，我們就點到為止」佢又指今次針對到大S，佢唔希望搞到件事太複雜，所以唔會考慮法律途徑：「想跟大家說不要相信他，時間久了大家都會知道是假的，他也才不會再說謊，如果聽信的話，他就會繼續講下去。」關於大S身體狀況是否真如汪小菲所講「很糟」，佢話：「沒有問題的，她是精神壓力大，謝謝關心。」並提及上次要抱大S去洗手間，並唔係佢身體差，只係夫妻甜蜜情趣。另外，貝媽媽今次亦有飛台灣睇畫展，指媽媽覺得大S好靚，將佢當成自己個女，大S亦好照顧佢媽媽。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
