內地頂流女星迪麗熱巴憑着精緻嘅美貌，一出道就備受關注，更被網民封為「零死角美女」。日前佢參與嘅真人騷《花兒與少年5》釋出一段幕後花絮，當中佢嘅表妹「蘇比」亦有出現喺鏡頭前，因為與表姐迪麗熱巴一樣擁有高顏值而引發網民熱議。喺片段中，紮住馬尾嘅迪麗熱巴與表妹一齊食飯，表妹亦係濃眉大眼且五官精緻嘅靚女，顏值相當吸睛。
影片曝光後，2人即時登上熱搜榜，網民紛紛留言大讚表妹顏值高：「所以表妹是要出道嗎」、「美女吃飯就是不一樣」、「妹妹也好漂亮啊」，不過亦有人認為表妹不及迪麗熱巴「比起熱巴，妹妹遜色了一點」、「有一說一，以為表妹也會很好看，但是跟熱巴比真的就沒有驚艷了」、「姊姊太美了，完全被比下去」。
事實上，迪麗熱巴嘅表妹早喺幾年前就已經有參加過校花大賽，但當時佢喺現場被影到嘅相同佢喺社交網上流出嘅自拍照有好大出入，因此被網民嘲笑。再加上佢有着迪麗熱巴表妹頭銜，喺參賽時仲被指出有炒作嫌疑，不過佢被問到對此有咩回應，佢就坦言道：「就是也沒甚麽可回應的，我不會讓支持我的人失望。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
