視帝馬國明早前與未婚妻湯洛雯蜜遊法國，行名店時更被網民野生捕獲，日前馬國明返工繼續為劇集開工，並接受無綫娛樂新聞台訪問，親認到當地拍婚紗照，親身還原當日行名店實況，指靚湯不但冇黑面，實際上心情好開心：「佢估唔到去到法國搵到一啲，香港排隊都唔會有嘅嘢，喺法國又畀佢排到，仲即刻買到，但係法國人節奏真係好慢，佢哋做嘢好Relax、好悠閒，所以好多時都要等，但我哋香港人生活節奏好快，就成日諗『得未呀？』、『咁耐嘅？』，其實（嗰陣）我哋心諗仲要等幾耐㗎，大家睇畫面以為好嬲，其實好開心。」
佢又指聘請了當地攝影團隊拍攝婚紗照，更大讚靚湯：「佢係好靚！我哋法國影咗6、7套衫，全部都好靚，佢依家係頭痛點揀啲相，我就覺得一來佢又fit咗，二來佢揀啲衫又好襯巴黎個環境，所以佢真係好靚。」而講到法國之旅，馬國明笑指估唔到去到偏遠小鎮都被年輕華人認出，深感榮幸。
本文作轉載及備份之用 來源 source: http://hk.on.cc
|
鍾意就快D Share啦！
|
|
|