視后唐詩詠自去年約滿離巢後，無約一身輕嘅佢日子過得相當寫意充實，而唐詩詠雖然目前冇劇在手，不過人氣仍然高踞不下，不時都會喺路上偶遇粉絲求合照。另外，成日透過社交網同粉絲分享日常生活嘅佢，最近亦開埋內地社交網，增加同內地粉絲接觸互動嘅關係外，似乎仲想進軍內地市場。
日前，首度開設內地社交網嘅唐詩詠，亦甫出第一段自己介紹嘅影片道：「大家好！我是唐詩詠！」短片一出就瞬間引嚟逾7千位粉絲關注，人氣相當驚人外，短短嘅自我介紹亦意外掀起網友熱議，原來貴為視后嘅佢，似乎就演技太精湛，令唔少網友剩係記得佢喺代表作之一《不懂撒嬌的女人》中「凌禹勤」嘅角色名外，仲有論盡網友將「唐詩詠」記錯成「唐詠詩」，真係尷尬之餘又不得不佩服佢演技了得！
本文作轉載及備份之用 來源 source: http://hk.on.cc
|
鍾意就快D Share啦！
|
|
|