曾於《荃加福祿壽探案》中合作的思捷及陳茵媺，甫見面即以「Bro」相稱，思捷說：「我成日叫佢Bro，十幾年前我哋拍劇…」，陳茵媺隨即撒嬌：「唔好講十幾年前喇。」予人感覺嬌的的的陳茵媺，雖是首度上《思家大戰》，但全程古靈精怪兼表情多多之餘，轉數之快更不輸主持思捷，成為氣氛王No.1。
問到「一對好恩愛嘅夫妻，每一日至少一齊做一次嘅嘢」問題時，陳茵媺即亢奮搶答「錫錫」，當思捷質疑：「一日一次喎！」陳茵媺先爽快回答：「至少吖嘛！」思捷即打蛇隨棍上：「咁你同阿Mo（陳豪）一日咀幾次？」陳茵媺聞言嬌俏大賣關子：「唔話畀你聽！」之後羅毓儀回答同一條問題時，經歷多重內心掙扎後害羞吐出「兩字」答案，惹來全場嘩然，思捷則借勢追問陳茵媺：「你同阿Mo係咪都一年做足365次？」豈料陳茵媺理直氣壯回應：「At least」，全場再度陷入盛典氛圍，到底咩答案咁震撼？之後陳茵媺順應思捷要求在鏡頭前向老公說：「I Love You Baby」，嚇到思捷腳仔軟大叫投降：「冧到我都溶呀。」
氣氛王No.2及No.3則分別為羅毓儀及周嘉洛，鑑於「兩字」答案太惹關注，羅毓儀打後回答每條問題時都「尷尬滿滿」，不時做出「嚇到吃手手」及「掩臉」等小動作外，更一度笑至拍枱。羅毓儀的「撒嬌害羞可愛三循環」令思捷亦不懂如何招架，每次走到羅毓儀面前均「未開口，先焗蟹」，現場氣氣相當歡愉。
至於貴為本集「補中王」的周嘉洛，在《羅祝》中飾演「愛情狂」的他、每次回答問題一定Chok到盡之餘，更喜歡將答案簡單複雜化；當回答另一半講大話小動作時，嘉洛便長篇大論謂：「我個人認為嗰啲講大話嘅人一定會係過份理直氣壯，字字鏗鏘，落地有聲嗰啲？話自己大聲唔代表佢冇禮貌嗰啲？…」聽到耐性告急的思捷即以「即係大聲呀？」一句KO嘉洛，場面爆笑。今集另一搞笑位，是當馬海倫上台搶答問題時，思捷望一望她的手後抵死地說了一句：「呢一粒（石）成層樓架喇喎！」即成功引來全場起哄。
本文作轉載及備份之用 來源 source: http://www.hk01.com
|
鍾意就快D Share啦！
|
|
|