林穎彤舊愛伍富橋今日（5日）與吳業坤出席籃球賽活動，被追問前女友捲入JPEX風波一事，他表示：「我都係尋日睇新聞先知呢件事，我同林穎彤本身一齊拍完《十月初五的月光》後已經係零聯絡，真係冇聯絡好耐。（佢有冇叫你投資虛擬貨幣？）我好少接觸投資呢啲，一路都係搞健身嘅生意同教跳舞嘅生意，佢亦絕對係冇搵我投資任何虛擬貨幣或股票。」
問有否擔心她捲入詐騙案？他說：「其實都唔係好關我事，我同佢都已經冇聯絡好耐，冇話特別擔心，始終都冇任何關係，希望佢哋逢凶化吉啦。（會唔會問候吓佢？）我諗唔會喇，佢依家都好多事情要處理，唔會打攪佢本人。」提及舊愛與鄭雋熹拍拖？他表示：「真係唔知佢依家同邊個交往，我都係睇新聞至知。大家拍拖都正常，識佢嘅朋友都知佢份人好開心好開朗，佢情緒方面冇乜問題。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|