藝人陳自瑤（Yoyo）近年憑直播帶貨彈起，升呢「帶貨天后」之餘，日前佢更事隔13年再扮返《公主嫁到》嘅四公主川平公主Look直播帶貨，向來凍齡有道兼身材弗到爆嘅佢，再着返套古裝戲服都毫無難度，期間仲大啖大啖試食，絲毫唔見有咩明星架子呀！
而直播帶貨後嘅Yoyo，亦着住套古裝戲服受訪表示：「回憶返晒嚟！今次好開心有呢個主題，完全係我個角色四公主套衫，可以做多次個角色！」更透露自己曾係「古裝常客」：「現場環境好配合，有宮女又有掌櫃，背景又鑼又鼓，好搞笑。近年公司（TVB）少咗開古裝劇，以前我係古裝常客，今次可以止古裝癮！」另外，提到再着返同一套衫嘅佢，望落好似變瘦咗唔少，Yoyo則笑言：「近日太忙輕咗幾磅，同埋今日件衫可能又扣鬆咗。」並表示當年拍古裝，為咗整體造型更上鏡，服裝姐姐會出盡力為女演員將件衫包得更緊身：「當年我其實都唔鍾意太緊，鍾意鬆身啲，嗰時拍古裝劇都食唔落嘢，天氣又熱頭飾又重，所以今次我淨係要求頭飾唔好咁重！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|