落選港姐郭珮文（Julianna）與《聲夢傳奇2》季軍趙紫諾（Sabrina）在無綫台慶夜齊齊發住呆「夢遊」下贏大獎，分別贏得42萬銀行理財存款及25萬9千元的房車。 兩位幸運兒得獎後接受訪問仍然繼續發呆，相當搞笑，抽獎時一直神情呆滯的郭珮文被問到醒了嗎？她笑說：「醒咗，但係仲有少少接受唔到，太神奇，自己一向冇抽獎運。（42萬點用？）了解吓先，會用喺有意義嘅事上，會請朋友食飯。（點獎勵自己？）唔知，可能投資，繼續錢搵錢，但係自己就唔叻投資。（買樓？）42萬夠首期咩？（夠買大陸樓？）研究吓。」郭珮文雖然選港姐落選，但在今屆港姐中卻是首個跑出拍劇，加上贏得台慶大獎，她亦直言覺得運氣相當好。
只有15歲的Sabrina卻贏得房車，但因未成年未能考車牌，希望將車輛轉贈媽媽，到自己18歲會去考車牌。問到是否還驚魂未定？她笑說：「有少少嚇親，但係好開心、好驚喜。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
