講到觀眾只是唱了幾首歌不夠喉，他直言：「唔夠喉就聽我演唱會，啲飛難買下一次就開多兩場。」被問到是否已經計劃開Part 2，他表示：「因為而家搞緊世界巡迴演唱會，公司已經幫我接咗出埠去美國、內地及澳門等，開幾多場就公司決定！」
講到會否考慮多回巢TVB工作，他說：「我同志偉哥哥（曾志偉）講咗㗎叫我返嚟玩我鍾意玩㗎！」至於對方是多久之前發出邀請出席台慶，他笑言：「都一個月前，要返嚟排練！」被問到會否考慮接拍TVB電視劇，他說：「一定會有興趣，但要畀啲有角色我去做就得㗎行嚟行去入返去嗰啲就唔好最起碼都要有對白，一句就少啲。」
提到入圍叱咤頒獎典禮男歌手十強，他說：「我睇到，入到十強我已經好滿足如果再入到五強我真係唔夠膽諗。」至於誰最大競爭對手，他表示：「我唔夠膽諗，我只不過係一個普通歌星，十強嘅競爭對手都好勁，我就係好普通。」被問到到時會否出席頒獎典禮，他直言：「無論得獎唔得獎都要去撐吓。（是否準備好戰衣？）未呀要慢慢搵，叱咤要搵啲靚啲潮啲嘅衫，要HIGH啲！」講到是否已經收到入場券，他直言：「暫時應該公司收咗」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
