視帝馬國明及湯洛雯婚期在即，馬國明昨日（19日）亮相無綫（TVB）台慶一臉春風滿臉，難掩榮升人夫的喜悅，而靚湯也密密更新IG靚相，盡顯幸福心情。靚湯今日（20日）又曬出第三波單身派對靚相。繼上次以紅色緊身短裙晚裝上陣後，今次靚湯便穿上粉紅色睡衣示人，好姊妹則穿上白色睡衣，靚湯手持花束及蛋糕，在海景前影相，又靚又可愛；而今次都同樣在The Ritz-Carlton聚會。靚湯發文指今次是最後一次單身派對，首次穿睡衣開P，超級舒服又開心。不少網民都大讚好可愛。
