藝人蔡卓妍（阿Sa）今日（22日）41歲生日，人緣甚好嘅佢獲好友容祖兒（Joey）及鍾欣潼（阿嬌）齊集為佢慶生，「龍虎豹」再度合體。眾人網晒合照，見佢哋瘋狂擺Pose，壽星女做出韓式「面珠心心」手勢，又興奮舉V露出纖腰，心情勁靚。佢哋之後又孖住一齊切蛋糕，Joey同阿嬌仲左右夾攻，向阿Sa獻吻，大騷姊妹情。另外，台灣女星楊丞琳亦有網晒早前與阿Sa、阿嬌見面時嘅合照，並送上生日祝福。而今日亦係Twins演唱會開賣日子，據知現時8場門票已全數售罄，成績理想。
而阿Sa的生日雖在工作中度過，與阿嬌及關智斌（Kenny）、鄧小巧、Gin Lee 、泳兒等齊開工，期間眾師弟師妹特別為她慶生，Kenny偷偷拿着生日蛋糕出現，領唱Happy Birthday生日歌，之後阿Sa對着蛋糕許願成分鐘，阿嬌就問問Kenny可需要櫈抖一抖，阿Sa就話：「你唔好嘈我住，我好亂呀我........」
問到Sa許個甚麼願？她笑道：「我送咗個生日願望畀經理人部門同事阿超，祝佢身體健康！哈哈。」Kenny則說 : 「係咪唔講得㗎，講咗唔靈......。」有工作人員就向阿Sa宣布8場演唱會門票於半個鐘售罄。
阿Sa、阿嬌聽到後又意外又興奮，Kenny則立即大叫 : 「加場！加場！我唔夠飛！」然後起哄叫大家齊跟着叫，因不單內部同事不夠飛，不少歌迷也向 Twins投訴指買不到飛，希望可以加場。阿Sa表示：「加唔加場要再研究。」又笑問Kenny：「係咪你嚟幫我哋手做先！哈哈...」Kenny則答應 ：「我得㗎，我最多來做bad boy 伴舞，哈哈。」
Twins演唱會頭場是阿嬌生日，Kenny表示一定拉大隊支持，再在紅館齊唱生日歌。阿嬌就笑謂：「好呀，到時全世界都知我幾歲啦。」Kenny又賣口乖：「你25嘛，唔係咩？」而阿Sa就話：「咩呀！20之嘛。哈哈。」
阿Sa她回家後就開直播跟粉絲互動，載上粉絲兔仔頭箍，身後擺滿氣球的她表示今年只簡單慶生：「收咗工都係返屋企休息吓，同嫲、爸爸、同學仔食飯，開party就冇。」她又跟入場睇Twins演唱會的粉絲提議一齊玩Dress Code扮Twins，主題圍繞Twins以前的演唱會、廣告、電影、MV等任何造型，她說：「經歷幾疫情，終於可以自由活動，希望可以大家嚟紅館一齊癲啲，開開心心，喺演唱會度抽離去另一個時空。」她又預告其朋友會勝出，因她「癲」的朋友特別多：「我啲朋友好勁，你哋唔好輸畀佢哋。」有歌迷問可男當女裝？阿Sa則說：「我都扮過男人啦，男歌迷扮男人囉，哈哈，女校男生，扮學生都得。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|