影片中，肥媽被助手問道：「你覺得良好嘅婚姻生活同良好嘅性生活有冇關係呢？」她回應指：「有，絕大關係！所以我絕唔贊成擺個細路哥喺中間瞓！」助手又問道：「好多女人話又要生仔，夜晚有時間都湊仔啦，又要返工好難平衡，仲要滿足埋老公需要。」肥媽盲指：「呢個唔係淨係老公，如果你唔需要（性生活），你就係一個失敗嘅女人！真㗎，你冇可能唔需要，如果係唔需要你就已經係失敗婚姻！因為你一定要平衡，你擺低個細路囉，你畀朋友，邊個都好，你兩公婆一定要有自己時間，幾廿歲都好都要拖吓手，拍吓拖，係你放棄咋嘛…….你連呢個需要都冇，你做咩女人呀？係你自己將自己變成一個生仔機器，煮飯嘅機器，係你自己做出嚟。」肥媽應該婚姻是雙方，溝通是最重要。
肥媽有過兩段婚姻，在她18歲時與年紀比她大22年的琴師結婚，可是婚後1年老公失業，對方幾乎攤大手板要錢，自始由她負責養家。養活1家8口，其中4口更是她前夫與前妻所生。肥媽講過每個月連份糧袋都要畀埋，仔女都睇唔過眼，勸肥媽離婚。後來，前夫更與女傭有染兼珠胎暗結。
經歷婚姻失敗後，肥媽於1999年再逢第二春。肥媽本來認識弟弟的同學Rick幾十年。對方任職工程師，因為一次夾band，本來對愛情失去信心的肥媽再次心跳。多年來Rick對肥媽家人照顧有加，二人更先後舉行3次婚禮，他們現有13名孫兒。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
