熱爆娛樂: 呂慧儀疑遭前幕後網民以揞名「短腳蟹」爆擺款：成日都有啲咁嘅人 #呂慧儀

2023年11月26日星期日

呂慧儀疑遭前幕後網民以揞名「短腳蟹」爆擺款：成日都有啲咁嘅人 #呂慧儀

呂慧儀（長腳蟹）前日（24/11）現身將軍澳電視城出席無綫處境喜劇《愛回家之開心速遞》宣傳活動。提到早前曾經在娛樂圈工作多年的網民在社交平台發文指，有大台的藝人擺款，當中揞名爆有短腳蝦伉儷、痰＋池、老千嘩、周街鱷，講到明不提也罷。但就開名大讚袁文傑為人友善好好傾，令網上引起熱議。

長腳蟹就事件接受《香港01》訪問時笑言：「佢咁講短腳蟹好似講得好明喎，嗰個人係咪真係我識㗎？你知我做嘢有時可能好趕，又或者同一時間要做好多嘢，咁所以真係未必有時間同人吹水傾計。（怕唔怕因為咁影響形象？）唔會啦，你諗吓，如果平時工作態度差，你係唔可能喺呢度做咗7年咁耐囉，呢啲唔使解釋啦，成日都有啲咁嘅人，你都識講佢係影子人，又唔知佢係邊個，又唔知佢係咪真係見過你，咁所以就無謂放上心。（有網民猜測可能有人請打手搞事！）呢啲我又唔識呢啲，請唔請打手，咁所以呢啲又唔到我控制，就唔好去諗咁多。」