鄭欣宜將「復出第一擊」交給好友許廷鏗（Alfred），驚喜現身其《一場同學》MV。Alfred接受專訪時表示，MV在網上影視平台收看次數高企近36萬，成績理想除歸功欣宜外，亦要鳴謝MV導演彭秀慧及一眾幕後工作人員：「幕後都係同我哋好有淵源，全部都係合作過嘅，我知道彭慧秀用意係所有在場嘅人，都畀到舒服嘅感覺我哋。」
談及MV中最令人動容一幕是，他和欣宜在教堂重聚，並肩而坐欣賞飾演教授的張錦程彈琴一幕，其中見他和欣宜口噏噏，因只有畫面沒有聲音，令網民相當好奇，Alfred就揭謎底謂：「其實睇口型都會估到，係我先同欣宜講：『你幾好嗎？』欣宜就答咗句：『我OK呀』，跟住就起身走咗，好簡單、好直接咁表達嗰種疏離嘅友情，而呢啲情節又好似幾經常發生嘅。」
MV講述摯友變陌路人的無奈，但原來另有彩蛋，Alfred表示：「仲拍咗我爆喊嘅鏡頭，係一Take過，我喊到完全失控，欣宜仲攬住我一齊喊，不過呢一幕冇出街，因為依家冇大喊嘅版本好啲，否則就會破壞10年朋友間有芥蒂嗰種感覺。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|