各位觀眾大家好啊！歡迎返到嚟《星級煮意》Chill級版！今集就有前TVB「御用丫鬟」嘅陳婉婷教大家整熱辣辣，冬天最啱食嘅關東煮。陳婉婷入行多年，丫鬟就扮唔少，煮嘢食又掂唔掂先？唔知佢會煮成點呢？
首先要準備嘅材料有大蔥、蘿蔔、冬菇、枝豆、竹輪、木薯榚、昆布，仲有各式各類嘅日本魚蛋。而湯底嘅材料有高湯、糖、鹽、豉油同埋蠔油。
先將材料切開備份，之後再因應個人喜好，用竹籤將材料串埋一齊。另外，要先將蘿蔔預先煮熟，咁樣蘿蔔會比較入味。而湯嘅部份就先落高湯，之後再將其他調味料全部倒入就可以。
最後，先放入蘿蔔同埋昆布塾底，咁樣蘿蔔同昆布就可以吸收到湯嘅精華，令口感再提升。之後再將先前已經準備好嘅食材全部放入，咁就搞掂晒喇！今次陳婉婷入廚好鬼熟手，煮日本嘢簡直係入型入格，果然係又靚又叻，一啲都唔似丫環，似公主多啲囉！不過佢揸刀就真係有啲危險喇，爭啲切親隻手仔呀，下次要小心啲喇！
本文作轉載及備份之用 來源 source: http://hk.on.cc
|
鍾意就快D Share啦！
|
|
|