因拍《延禧攻略》爆紅嘅內地女星秦嵐，人氣高踞不下嘅佢，唔止劇接劇拍不停，就連喺綜藝節目都不時見到佢嘅身影，同時喺節目中佢亦憑真摯、直率性格，圈粉無數。而日前，佢同迪麗熱巴一齊出演嘅真人騷中，只見2人一邊傾偈一邊整理衣物等行李，然而就有眼尖網友發現，秦嵐竟然超自然咁將件衫攞近鼻度聞，並借此分辨件衫乾唔乾淨，引嚟唔少網友激讚秦嵐夠冇巨星架子之餘，仲相當貼地。
從影片可見，秦嵐同迪麗熱巴喺一間房度忙於收拾行李，而迪麗熱巴亦一邊吐苦水一邊除低身上嘅收音等裝備，而秦嵐則係邊聽邊開解迪麗熱巴之餘，收拾嘅手更係冇停過，只見邊行邊整理衣物嘅秦嵐，突然勁順手咁將件白T擺喺鼻度聞，並確認冇異味後再擺喺床上。
而影片曝光後，亦引起極大回響及熱議，唔少網友留言道： 「哈哈秦嵐好像在演我呀！」、「好真實呀！」、「原來女明星也不例外！」、「哈哈哈太實在嵐姐！」、「全世界就一個樣！」、「衣服只要穿過有味的絕對不穿了！」、「姐姐跟我一樣，也是用聞來判斷衣服髒不髒！」、「美女也是很接地氣的。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|