藝人周海媚遺憾病逝，終年57歲。周海媚生前理財有方，有指出周海媚擁有4億元家產，生前所住嘅北京「頂級富人區」順義區，就係獨棟百坪別墅。別墅裝潢走歐洲古典風，裝潢相當氣派，客廳擺放3張大梳化，及有私人花園。
周海媚近年集中於國內發展，身邊見得最多就係佢多隻狗仔，狗狗喺別墅內擁有專屬房，周海媚亦幫一班愛犬開設短片平台帳號，如今佢驟逝令網友鼻酸，表示愛犬們「沒媽媽了」。
早在去年，周海媚上節目時就強調享受單身，又笑言「我家沒有王位要繼承」。周海媚家中兄弟姊妹有4人，佢排老二，自小跟外婆生活，經過一段短暫婚姻後，已移居北京20幾年，一生未有再婚亦膝下無子。按推測，周海媚生前如果未有預立遺囑，按遺產繼承人順序，母親將係第一位繼承人。
本文作轉載及備份之用 來源 source: http://hk.on.cc
|
鍾意就快D Share啦！
|
|
|