而近日，有網民就挖出黎明當年接受訪問介紹《人在邊緣》劇中角色時的片段重溫，片中黎明講述了為何外表斯文的他，公司又會安排他演「林奕龍」這個角色，「譬如話入面做一啲所謂爛仔、街頭霸王，其實入面我自己就唔係真係一個好爛嘅爛仔嚟，都聽過喇，同曱甴（黎耀祥 飾演）個角色，係根據中國傳統上契，即係我係佢契哥，佢係我契弟，但係成套戲嘅過程，係話我因為細個嗰時，自細冇父母養，而要淪落到街頭乞食嘅階段，慢慢蒲下蒲下就變咗一個睇場，根本嚟講，本身呢個人係好正直嘅。但你話點解唔似壞人嘅樣呢？因為個樣正式嚟講一啲好猛料嘅人，可能係不形於色，完全無樣畀你睇㗎喎。」
而劇集監製張華標被問到在選角時，為何會看中一直都是給人學生、王子這些青靚白淨形象的黎明，去演黑道中人、江湖人物。他表示：「黎明喺演呢個戲之前，就真係搵過一啲大哥，同佢哋傾過偈，觀測佢哋嘅動靜。」他又言當時黎明回來跟他們說：「佢話我哋冇選錯角，原來依家啲大哥真係唔同以前，唔係再光著上身、蹺起隻腳，見到女仔就吹口哨嗰種，好多大阿哥都好似黎明咁斯文靚仔。」
按此圖集重溫當年黎明在劇集《人在邊緣》裡面的演出：
本文作轉載及備份之用 來源 source: http://www.hk01.com
|
鍾意就快D Share啦！
|
|
|
