今日係12月16日農曆十一月初四，最旺生肖係鼠，人緣佳，出席聚會可給人留下好印象。「鼠女」陳楨怡（Celina）舊年佢受負面新聞影響搞到形象受損，但佢並無因為咁而自我放棄，反而去學武術，仲參加武術比賽拎埋金牌，成功為負面形象「洗底」。
最近佢就去內地為新劇《巾幗梟雄之懸崖》進行拍攝；與此同時，Celina有份參演由鍾澍佳執導，娜扎、徐開騁所主演嘅新劇《戀戀紅塵》，新劇早於7日首播。Celina於劇中飾演「高清音」，是蘇清澈（徐開騁飾）係青梅竹馬，亦是宋星辰（娜扎飾）嘅情敵。
至於今日幸運星係獅子座，幸運指數排第一，事業發展可更上一層樓。鄧紫棋G.E.M.就係獅子座，佢早前就宣布相隔6年再次開巡唱，更是闊別舊公司，自立門戶後嘅首個演唱會，唔少粉絲都留言，希望佢能回港開騷，而佢所唱嘅歌曲《喜歡你》MV，係網上影片平台獲得破億點擊，令佢成為首位有5首MV破億嘅華語歌手，果然係事業上更上一層樓。
本文作轉載及備份之用 來源 source: http://hk.on.cc
|
鍾意就快D Share啦！
|
|
|