今日係12月10日農曆十月廿八，是日最旺生肖係馬，鴻運當頭信心倍增，做事得心應手。屬馬嘅JW王灝兒近年歌、視兩邊走，不但推出3首歌曲，並完成新劇《痞子無間道》嘅拍攝，今年絕對係JW嘅充實年。
而早前JW接受網台訪問時，提到自己自細視家姐王仙兒Cindy為榜樣。最近Cindy進軍KOL界，不時盛裝出席各大品牌活動，又為唔同美容產品賣廣告，JW亦有樣學樣，掹住家姐衫尾齊齊轉做KOL。JW你依家鴻運當頭，做事得心應手，相信好快就會自己闖出一片天。
至於今日幸運星係雙魚座，人逢喜事精神爽，做一啲自己感興趣嘅事。麥浚龍就係雙魚座，現時身兼多角嘅佢，近年終於出返嚟，先同周國賢舉行音樂會，之後又出席品牌活動。最近又為新電影寫劇本而閉關嘅Juno，不如今日試吓做啲感興趣嘅事，可能靈感都會多啲，大家期待緊你嘅作品。
本文作轉載及備份之用 來源 source: http://hk.on.cc
|
鍾意就快D Share啦！
|
|
|