今日係12月31日，幸運星係巨蟹座，保持好心情，好好控制脾氣，身體就更健康。梁朝偉就係巨蟹座，早排佢就憑電影《無名》奪獎，係史上第一位奪得影壇大滿貫嘅三金影帝，而佢主演嘅新作《金手指》就啱啱上映，今次破天荒飾演大奸角，佢就話覺得好新鮮，因為好少機會嘗試呢類型角色。近日花絮片段陸續曝光，梁朝偉同緊導演傾偈，突然爆出一句粗口：「話X咗㗎」眼見爆粗被拍下，梁朝偉即笑笑口話：「成日都拍呢啲，到時我講啲對白全部都要嘟，去到嗰度就嘟。」自認平時講好多粗口，句句要消音。今日你保持好心情，身體健康先可以，拍多啲戲畀大家。
今日亦係農曆十一月十九，宜安床、掃舍、建屋，最旺生肖係豬，悉心安排除夕約會，桃花將旺上加旺。江美儀就係屬豬，視后不愧為視后，佢喺台慶劇《羅密歐與祝英台》，以Big Boss身份現身，唔單止霸氣盡露，仲同鄭子誠組成「奸奸聯盟」，二人奸到出汁，美儀仲試過喺一集，換上7個不同風格嘅貴婦造型，試盡扮靚癮，今日你桃花旺，加上係大除夕，不如去扮靚靚，搵人一齊倒數度過2023年啦。
本文作轉載及備份之用 來源 source: http://hk.on.cc
|
鍾意就快D Share啦！
|
|
|