藝人黎淑賢早前離世，其家人今日（18日）於香港殯儀館為她設靈，丈夫許智政一早到靈堂打點，神情哀傷。靈堂以簡約白色佈置，遺照用上黎生前一張穿上露肩裝、側身微笑的照片，兩旁放滿白蘭花，上方掛有寫上「往生淨土」的橫匾，惟靈堂中央放置了屏風，以遮擋傳媒拍照。約下午3時半，黎與現任丈夫所生的兩名兒子抵達靈堂，期間細囝以手遮面避開記者鏡頭，約15分鐘後，黎的另外兩名兒子盧俊諺及早前到英國升學的盧俊希亦抵達靈堂。多位圈中好友亦先後到靈堂送別好友，包括童愛玲、黎燕珊、郭可頌、陳宇齡夫婦及前亞姐筱靖等，好友林文龍與太太郭可盈、熊黛林與丈夫郭可頌、林盛斌等亦有致送花牌，前夫盧惠光則送上寫有「淑德流芳」的花牌。
黎燕珊離開時接受訪問，問到可有覺得好友離世前心情不快？她表示認同：「不過過咗去唔想講太多，作為好朋友對黎淑賢係一個尊重，希望佢喺另一個地方繼續開心快樂。」她表示好友間也共識了會繼續延續黎的心願，不會哀傷，會開心及低調地幫助有需要人士：「佢會落手落腳幫受惠家庭剪髮，亦會買物資。」問到有否慰問對方的4名兒子？她説：「有好多好錫佢哋嘅朋友，佢哋都好好，大方得體。」她表示與黎是各自成為媽咪後，一起出來做慈善時變得熟絡，讚對方是一位成熟健談的人。至於童愛玲於離開時神情哀傷，未有接受訪問。
本文作轉載及備份之用 來源 source: http://hk.on.cc
|
鍾意就快D Share啦！
|
|
|