韓國人氣女團TWICE嘅台灣成員周子瑜，樣靚身材正嘅佢，人氣高踞不下，一舉一動都備受矚目。而不時透過社交網同粉絲分享生活點滴嘅佢，日前更晒出一輯同夕陽同框合照嘅靚相，並寫道：「I GOT YOU.」引嚟唔少粉絲激讚：「仙女！」
日前為慶祝英文新歌《I GOT YOU》面世，周子瑜日前喺社交網晒一輯同夕陽同框合照，只見身穿細肩吊帶長裙嘅子瑜，領口位則係荷葉邊設計，半透明嘅白色長裙亦染上埋夕陽深淺不一嘅色彩，並隨着子瑜擺出唔同嘅Pose，更係猶如一幅不朽油畫般唯美外，裙間嘅一絲夕陽更係映入人心。其中，子瑜用手形手勢將夕陽框起嘅動作，更引嚟唔少網友留言：「抓我！」、「你想抓的是我嗎？」、「你抓我，我也抓子瑜，好美的女孩。」、「子瑜好漂亮！新歌超級好聽，子瑜唱得超棒，感情也跟着被帶起來了！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
