美斯拍片再解釋香港表演賽缺陣原因。(影片截圖)
美斯本月初在香港表演賽未能為國際邁亞密上陣，因而引發「美斯之亂」，事件發酵多日後，該阿根廷「球王」在官方微博出片再度解釋香港失場原因，影片長達2分20秒，重申因為「內收肌炎症」而無法上陣比賽，稱自己之前一日出席操練已經「盡自己所能」，強調並非其他原因。
美斯在微博發文，全文稱：「祝大家龍年快樂！我想澄清一些事情，並再次感謝所有來到中國香港支持我和我的團隊的人。 我真的很欣賞你的吶喊、標誌和愛。 給大家一個大大的擁抱！」
在片段中，美斯澄清當日未能為國際邁亞密上陣嘅其他猜測都並非真實，之前亦多次到訪中國，仲話如果因為其他原因，佢就連日本都唔會去。
當日點解唔落場，美斯解釋因為在沙特阿拉伯集訓時已感到不適，內收肌炎症，受傷風險好高，在香港比賽之前一日出席訓練已經盡自己所能，到日本後因為情況有改善，因此落場比賽一段短時間。
對於外間對佢質疑，例如在香港比賽當日「黑面」，拒絕現場親口向現場觀眾解釋及拒絕上台領獎，美斯仍然未有解釋。
本文作轉載及備份之用 來源 source: http://hk.on.cc
|
鍾意就快D Share啦！
|
|
|