黃庭鋒自爆下巴受傷縫三針 被問會擔心毁容：有少少驚 #黃庭鋒

35歲黃庭鋒今日（6日）在TVB電視城出席《龍舞雲祥年初一》錄影活動，並以賀年服裝登場。黃庭鋒接受《香港01》自爆最近下巴受傷縫針一事，他說：「下巴呢 ...

35歲黃庭鋒今日（6日）在TVB電視城出席《龍舞雲祥年初一》錄影活動，並以賀年服裝登場。黃庭鋒接受《香港01》 自爆最近下巴受傷縫針一事，他說：「下巴呢一個其實有個故仔嘅，2月3號去咗一個朋友嘅聚會，食到好夜去到第日12點幾過咗立春，朋友其中一個就係吳業坤（坤哥），佢做到好夜嚟到，我聽到佢嚟，我話即刻去迎接佢先，咁就去開門俾佢，朋友屋企好大，我開門嗰陣唔小心喺個樓梯跣咗一腳，就跌咗落個樓梯度。」

他繼續指因此而下巴受傷，並表示：「坤哥打開門嘅時候就見到所有人圍住咗我，佢就呆咗喺度唔知發生咩事，最後我有少少受傷，坤哥就車返我去醫院度睇醫生。」

講到傷口情況，是否有縫針？他坦言：「其實有，第一日會覺得有少少痛，但係去到第二三日嘅時候已經有少少慣，嚟緊要好好去保護傷口。」至於縫針數量，他表示：「大概三四針，所以教導我有陣時都要冷靜，唔好太興奮，嗰下真係冇諗過。」被問到有否擔心毁容，他直言：「其實有少少驚，不過好好彩個位置喺下巴下面，正面嘅時候未必睇得好清楚。」他繼續指現階段需要戒口，等待傷口復原。

。（張祖銘攝）



。（張祖銘攝）



。（張祖銘攝）



。（張祖銘攝）

本文作轉載及備份之用 來源 source: http://www.hk01.com

鍾意就快D Share啦！

下一篇 》