內地「甜寵女神」趙露思早年憑着劇集《傳聞中的陳芊芊》飾演「陳芊芊」一炮而紅，緊接連拍多部熱播劇，令佢人氣再度飆升，更成功躋身為「95小花」之一。有着精緻美貌嘅趙露思，每次出席公開活動抑或頒獎典禮，甚至係日常便服，都會惹嚟網友熱議，大讚佢擁有甜美臉蛋加上纖瘦身材，令大家相當羨慕。
不過有網友就發現，原來女神當年出道時曾因身材較其他女星肥胖而被稱為「最胖女演員」。2018年趙露思主演嘅劇集《哦！我的皇帝陛下》播出時，本就係面圓圓嘅佢，再加埋有少少Baby Fat，上鏡後顯得塊面更加圓潤，唔單止被網友批評，就連製作人都睇唔落去，頻頻嘲笑佢嘅身材。
因此之後趙露思為咗上鏡更加好睇，下定決心要減肥。依家睇嚟佢瘦身相當成功，更成功做到瘦身唔瘦胸！唔少粉絲知道後都大讚女神夠自律，佢亦喺社交網分享自己嘅減肥心得，透露自己每日都會食早、午兩餐，而盡量就唔食晚餐，其他時間都會多飲水，少食零食，最重要係放鬆心情，唔好畀太大壓力自己。
本文作轉載及備份之用 來源 source: http://hk.on.cc
|
鍾意就快D Share啦！
|
|
|