▲雯雯：「連我自己都覺得我自己有精神問題。」
張致恒（Steven）的太太區燕雯（雯雯）向來愛在Instagram限時動態發長文「放負」，並曾指：「我打嘢出嚟為咗條氣舒服啲，唔想睇嘅，Unfollow唔好睇囉。」
在今日（2月27日）凌晨近1時半，雯雯再於IG限時動態發黑底白字長文，一開首就自揭在今年所遇的不幸事，當中包括其中一名兒子確診自閉兼過度活躍症。
張氏一家丨雯雯被吳浩康勸唔好搞Steven 爆Seed反撃：我問心無愧
雯雯：2024一開始就已經好不幸
雯雯在一起首就指自己在只過了2個月的2024年已感到相當不幸：
有最錫我嘅親人不幸患上癌症，再有兩個（隻）狗狗痾血、心臟+肝+胰臟炎，再有一個小朋友確診autism plus hyperactivity。
坦白講照顧呢類小朋友，無論係身心情緒都係好大嘅學習，我一個人真係冇能力，同一時間可以照顧到四個小朋友應該話可以照顧到，但係會有一定嘅危險。
最近小朋友先跌爆咗隻耳仔，醫生同我哋講呢類小朋友一年起碼會去幾次急症室，要有心理準備，而（依）家每一日面對佢嘅行為情緒都係一個好大嘅挑戰。
同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡。
雯雯：我個心裏面確確實實真係想離婚
雯雯續指：
2023年我可以話所有嘅壓力接近爆煲，雖然我個心裏面確確實實真係想離婚，亦都不斷爆出唔同嘅情緒（不斷流出大家所講嘅笑話），連我自己都覺得我自己有精神問題，經常性會出現一個惡魔叫我帶埋小朋友離開呢個世界，就可以得到解脫。
雯雯感謝老公的幫忙：
發生咗咁多事，好現實，咁話俾自己知兩夫妻已經唔係兩個人嘅事，要照顧好佢哋一定要兩個齊心，冇咗是但一個根本係冇可能做到。
呢段時間我好多謝stevencheung都不斷學習點樣照顧好小朋友，亦都實實在在多謝你同我一齊面對全世界嘅責罵（話我哋只係識借錢，又唔自己出去做嘢）。
當中嘅難處，只要我哋先會明白。我哋唯一嘅共識就係做多兩份工，請一個姐姐去幫手。
咁樣我哋其中一個先可以完完全全抽身出去賺錢，大前提係要姐姐實實在在到咗，我哋先可以出到呢個門口工作，好慶幸仲有唔夠兩個月時間，姐姐嚟到我哋就可以重生，終於可以靠自己唔需要再求別人嘅幫忙。
雯雯有所醒覺
雯雯指：「呢兩個月我哋又係咪真係可以咁好彩渡過到？只要堅持唔放棄，就真係可以過到？好攰，每日都真係好攰。我相信先苦後甜，呢一刻叫我做啲乜嘢、犧牲啲乜嘢，我都願意。如果可以換來一家將來可以有安穩嘅生活，其實犧牲自己又有咩所謂。既然咁難先可以行到姐姐差唔多嚟呢一步，上天可唔可以俾機會我哋過埋呢一兩個月？」
她指發生愛犬的事，也令其有所醒覺：「其實生活靜靜地平凡安穩就足夠。」
雯雯坦言：「自己嘅情緒自己知道就足夠，如果能夠過到依兩個月，我希望同自己嘅家人能夠搵一個地方靜靜地渡過，遠離呢個公開又複雜嘅地方。」
最新影片推介：Ivy So陳安立專訪
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
撰文 :TOPick柴犬出動
|
鍾意就快D Share啦！
|
|
|