今日係2月8日，農曆十二月廿九，宜交易、立約、裁衣。今日最旺嘅生肖就係鼠，獲財神眷顧，毋須為錢銀問題而憂心。MIRROR成員呂爵安（Edan）就係屬鼠，近年來人氣急升嘅佢，接廣告接到唔停手，當然賺得盆滿缽滿。人紅就自然事非多，早前佢就被斷正，睇港產AV女優素海霖嘅社交網限時動態，身為「真男人」嘅佢，亦大方承認只睇Story，仲歡迎大家去睇。唔知Edan私底下有冇，觀摩素海霖嘅作品呢？
上個月21日生日嘅Edan，有妹妹小如豬喺社交網同哥哥講生日快樂，由於19歲嘅小如豬同Edan好似樣，所以有「女版呂爵安」之稱。不過佢呢次上載細個同哥哥嘅合照，原來佢哋細個唔係咁似樣，而係愈大愈似樣！
今日嘅幸運星係金牛座，愛情運非常好，主動示好易打動心儀對象。上年年尾結婚嘅湯洛雯就係金牛女喇，喺泰國蘇梅島結婚嘅佢，上月秘密喺5星級酒店補擺喜酒。當中嘅焦點必定係，靚湯身穿嘅白色深V婚紗，大晒性感身材，睇到馬明眼都突埋，而且見到靚湯嘅笑容好燦爛，今日最幸福仲唔係你。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
