MIRROR成員陳卓賢（Ian）中午到電台接受訪問，吸引200粉絲到場支持，電台外企滿粉絲，據悉有粉絲早上六點已經到場霸位，但到中午時分卻發生爭位糾紛，有兩名粉絲因位置問題向執法部門求助，四名執法人員到場了解調調停後離開。Ian中午12時半到達電台，由停車場落車，一身黑色打扮的他，落車向粉絲送飛吻，隨後即步入電台接受節目訪問。
Ian接受電台訪問宣傳新歌《Lost at First Sight》，講到歌曲一見鍾情，他笑言指並不是要憑歌寄意，但歌曲的確是他的愛情觀，過往也是一見鍾情，少有日久生情發生。
不過，他剖析到外間覺得身為藝人好像不適合談戀愛，拍拖是錯事，首先自覺並不是偶像，自己亦沒有這種想法，亦不會對拍拖有恐懼，但暫時亦沒有對拍拖有遐想。
Ian透露今年計劃會舉行個人音樂會，早前完成MIRROR的16場演唱會亦為他打下強心針，亦重拾表演的初心：「經過16場演唱會之後，自己好享受舞台，亦都從容咗，搵番個樂趣。亦有睇返以前《全民造星》嗰陣嘅表演係好純粹，冇諗咁多、冇咁繃緊，今次演唱會同感覺同歌迷重新聯繫。」
講到在演唱會尾場爆喊，他笑說：「自己都估唔到，我唔係冇感情嘅人，只係收喺心入面，慣咗情感留返畀自己，尾場好感觸，見到支持者嘅紙牌，睇到有一個寫住叫我一定要相信自己，就好或觸，過往出現過好多質疑自己，信心都受到打擊。」至於歌曲方面，他指今年計劃推出的歌曲有一個完整的故事，有別過往已經全部寫好，希望能夠全部順利推出。
他接受完訪問後約下午3時離開電台，離開前他隔住鐵欄逐一為粉絲簽名，又提醒粉絲不要向前逼，期間有收粉絲的心意卡，但則婉拒利是，最後更和粉絲大合照，全程簽足20分鐘，相當有心。
本文作轉載及備份之用 來源 source: http://hk.on.cc
|
鍾意就快D Share啦！
|
|
|