《中年好聲音2》本月24日舉行總決賽，打入7強名單強勁，分別有安雅希、陳俞霏、黃劍文、譚輝智、古淖文、顏米羔、沈宗賢。無綫日前節目預告，蔡琴擔任當晚表演嘉賓，更邀來楊千嬅擔任嘉賓評審。消息一出議論紛紛，惹來《中年2》的粉絲不滿，對評判的資格有所質疑。
不過有網民力撐楊千嬅，表示：「其實千嬅嚟做評判都要比你哋鬧？你要搵晒啲唱歌好掂嘅？仲要千嬅唱歌根本唔差，國內咁多歌手佢都可以咁紅，證明唱功！佢喺國內開演唱會門票秒殺，證明人氣﹗請佢做嘉賓有何不可？難道伍仲衡識唱歌？」伍仲衡亦有留意評論，表示：「冇常識嘅人先會覺得做歌唱比賽評判一定要唱歌好聽。」及後又在留言區寫道：「大家的熱烈討論，足以證明呢個節目有幾成功！以前成人睇樂評同影評，從來冇覺得啲樂評人要識作，從來冇覺得啲影評人要識拍戲，道理一樣啫﹗」
此外，大熱人選顏米羔日前被捲入「賄選」風波，指有一位自稱是顏米羔的「好兄弟」，於網上群組發訊息為對方拉票，稱網上投票顏米羔即可換取價值280元的「撥筋肩頸按摩」服務一次後。近日他再又捲入另一事件，有人在社交平台表示，稱自己收錢扮顏米羔粉絲出席活動，並分享了3月18日出席《中年好聲音2》7強記者會的現場片段，片中見顏米羔正在唱《紅色跑車》，發文者聲稱：「第一次做假Fans爽Lam細個以為啲Fans係真。Btw 呢個人一定覺得自己好有型」。事件引起熱議，不少人人關心一日的酬勞有多少，樓主表示：「無吖 得一日$200一個鐘，同埋要個個KOL frd帶先做到。」有人叫她幫手搭路表示有興趣當假粉絲，但又擔心會被傳媒識穿，樓主解釋：「應該真係有真粉，但我企後面、又或者啲主持都知係扮，都唔會搞咁多嘢」。有人又問為何她沒有尖叫，她笑稱：「我份糧唔包嗌，要嗌嘅係另一team負責」。事件曝光後，「無諗過咁多人睇，咁多人知咗，好驚出唔到糧」，貼文未幾便刪除。
《中年好聲音 2》自播出以來引起全城熱話，根據網上頻道數據所得（截至3月21日早上 10時），「點擊王」頭三甲分別是譚輝智、安雅希和古淖文！輝智個人單曲及合唱歌曲總觀看次數突破 485 萬次，其中《歸來吧》勁吸逾 75 萬觀看次數，該曲更是所有參賽者單曲之冠，堪稱「中2點擊王」。被封為「大魔王」的安雅希是點擊王第二位，其個人單曲及合唱歌曲總觀看次數逾 460 萬，僅輸輝智一個馬鼻，而她共有 3 首歌吸逾 60 萬觀看次數，分別是74.2 萬的《給自己的歌》、73.8 萬的《如願》（與支嚳儀合唱）和 67.3 萬的《今生今世》，點擊王第三位是古淖文，其個人單曲及合唱歌曲總觀看次數逾 323 萬，當中《盼望的緣分》共吸 46 萬觀看次數。
至於黃劍文、陳俞霏近期表現同樣大躍進，劍文上集搣甩招牌結他後有如打通任督二脈，更首度獲得 MVP，俞霏則上集大爆發獲得首次 90 分。唱得之人顏米羔表現最為穩定，慢歌、快歌皆有水準，當中他女歌男唱《淑女》勁吸 66.4 萬點擊次數，實力不容忽視。
本文作轉載及備份之用 來源 source: http://hk.on.cc
|
鍾意就快D Share啦！
|
|
|